Deputeti i qarkut Dibër, ka bërë së funndmi një denoncim në Facebook kushtet aktuale të Rrugës së Arbrit, e cila sipas tij ka një cilësi të degraduar punimesh, ku ndër të tjera sipas tij, SPAK do të ketë një dosje të madhe abuzimesh si çeshtje për të trajtuar.
“Rruga e Arbrit” një rrugë që nuk mbaron kurrë ,një cilësi e degraduar e punimeve,një abuzim madhor.
Shikoni në cfarë kushtesh është rruga “e re”.
Një ngjarje e madhe korruptive në këtë vend, ku SPAK shpejt do të ketë cështje për të trajtuar, një dosje të madhe abuzimesh, këtë ua garantoj si deputet i Qarkut Dibër” shkruan Çollaku.
Sakaq, Autoriteti Rrugor Shqiptar, ka përgenjeshtruar denoncimin e Çollakut në rrjetin social facebook, ku përmes disa pamjeve, mbi gjëndjen e asfaltit në Rrugën e Arbërit, shpjegon se çarja e asfaltit nuk është në Rrugën e Arbërit, por ndodhet në pjesën fundore të Bypass-it të Klosit që lidhet me rrugën e vjetër Tiranë-Peshkopi.
Njoftim për mediat dhe opinionin publik!
Së fundmi ka qarkulluar një lajm në lidhje me çarjen e asfaltit të Rrugës së Arbrit.
Bazuar në foto apo video të publikuara, por edhe nga raportimet nga terreni, çarja e asfaltit nuk është pjesë e Rrugës së Arbrit, por ndodhet në pjesën fundore të Bypass-it të Klosit që lidhet me rrugën e vjetër Tiranë-Peshkopi.
Grupet e punës kanë filluar menjëherë ndërhyrjen për riparimin e cedimit të asfaltit, tashmë rruga është e hapur vetëm me një korsi.
Në Rrugën e Arbrit vazhdon puna për mirëmbajtjen rutinë me mjete dhe punëtorë, qarkullimi i mjeteve kryhet pa vështirësi, njofton ARRSH.