Ish-Presidenti i SHBA-ve Donald Trump planifikon që së shpejti të rikthehet në mediat sociale. Të paktën kështu ka deklaruar këshilltari i tij Jason Miller për “Fox News”.
“Unë mendoj se ne do të shohim Presidentin Trump të kthehet në mediat sociale në rreth dy ose tre muaj.”- tha ai, citon BBC.
Sipas Miller, platforma ku Trump do të kthehet “do të jetë bileta më e nxehtë në mediat sociale” dhe do të “ripërcaktojë plotësisht lojën”.
Kujtojmw se Trump u pezullua nga Twitter dhe nga Facebook pas trazirave të janarit në Kapitol, ku humbwn jetwn pesw persona.
Trump e ka përdorur Twitter-in për më shumë se 10 vjet si një mënyrë, për të anashkaluar mediat tradicionale dhe për të folur drejtpërdrejt me votuesit. Por edhe pse ishin pikërisht rrjetet sociale që e sollën në pushtet, ishin po ato që e pezulluan disa herë gjatë zgjedhjeve derisa e bllokuan përfundimisht në janar.
