Numri i të vdekurve në Rripin e Gazës për shkak të sulmeve të vazhdueshme izraelite është rritur në 4,385, thanë të shtunën zyrtarë të Ministrisë së Shëndetësisë në enklavën e rrethuar.
Ministria tha se 1,756 fëmijë ishin në mesin e njerëzve të vrarë në sulmet izraelite, sipas AA.
Konflikti në Gaza, nën bombardimet dhe bllokadën izraelite që nga 7 tetori, filloi kur Hamasi nisi Operacionin Al-Aksa Flood, një sulm i befasishëm me shumë drejtime që përfshinte një breshëri lëshimesh raketash dhe infiltrimesh në Izrael nga toka, deti dhe ajri. Ai tha se inkursioni ishte në hakmarrje për sulmin ndaj xhamisë Al-Aksa dhe dhunës në rritje nga kolonët izraelitë.
Ushtria izraelite më pas nisi operacionin Shpatat e Hekurt kundër objektivave të Hamasit në Rripin e Gazës
Zyrtarët kanë thënë se më shumë se 1,400 njerëz në Izrael janë vrarë në konflikt.
Më herët gjatë ditës së sotme, një kolonë humanitare prej 20 kamionësh filloi të hyjë në Rripin e Gazës nga ana egjiptiane e vendkalimit Rafah, i pari që kur shpërtheu konflikti i armatosur midis Izraelit dhe grupit palestinez Hamas më 7 tetor.
