Adani Group, i kryesuar nga njeriu i dytë më i pasur i Indisë, Gautam Adani, ka akuzuar Financial Times për një ‘përpjekje të ripërtërirë’ për të dëmtuar reputacionin e kompanisë pasi raportoi mbi akuzat për mbiinflacion të importeve të qymyrit.
Gazeta e Mbretërisë së Bashkuar po bën ‘një përpjekje tjetër për të destabilizuar financiarisht Grupin Adani duke ngritur një akuzë të vjetër dhe të pabazë për mbifaturim të importeve të qymyrit’, tha konglomerati në një deklaratë. Historia u bazua në një ankesë të hedhur poshtë e të tërhequr nga Gjykata e Lartë e Indisë në janar, vuri në dukje kompania.
“Çështja e mbivlerësimit në importin e qymyrit u zgjidh përfundimisht nga gjykata më e lartë e ligjit të Indisë. FT tregon respekt të pakët për proceset dhe autoritetet rregullatore dhe gjyqësore të Indisë,” shtoi deklarata.
Historia iu referua akuzave për shkelje të tregtimit të aksioneve të bëra në gusht nga Projekti i Raportimit të Krimit të Organizuar dhe Korrupsionit (OCCRP), një platformë hetimore ndërkombëtare e njohur për punën e saj në “Panama Papers” dhe “Pandora Papers”.
Hetimi i OCCRP, hollësitë e e të cilit u shfaqën për herë të parë në Financial Times dhe The Guardian, akuzoi familjen Adani për “investim të fshehtë të qindra miliona dollarëve në tregun e aksioneve indiane dhe blerjen e aksioneve të veta”.
Sipas Adani Group, raporti i FT ishte ‘riciklim i zgjuar dhe keqinterpretim i përzgjedhur i fakteve dhe informacioneve të disponueshme publikisht me një shytje të qëllimshme dhe djallëzore të vendimeve gjyqësore për të arritur në një përfundim të paracaktuar’.
Konglomerati vuri në dukje se lista e përmendur në histori emërton 39 importues të tjerë, duke përfshirë kompani të tjera të mëdha indiane si Reliance Infra, JSW Steels dhe Essar, si dhe kompani të prodhimit të energjisë nga shtetet indiane duke përfshirë Karnataka, Gujarat, Haryana dhe Tamil Nadu.
Një raport i mëhershëm i publikuar Hindenburg Research, akuzoi Adani Group për ‘marrëveshje të pahijshme biznesi’. Raporti Hindenburg shkaktoi një rënie në tregun e aksioneve që i kushtoi Adani Group rreth 145 miliardë dollarë në vlerën e tregut në pikën e tij më të ulët.
Në deklaratën e së hënës, Adani Group pretendoi se qëllimi kryesor i OCCRP ishte të zvogëlonte vlerën e tregut të kompanisë, me mbështetjen e një ‘grupi të mediave të huaja e bashkëpunëtorëve vendas’.
“OCCRP financohet nga George Soros, i cili ka deklaruar hapur armiqësinë e tij kundër Grupit Adani,” shtoi konglomerati. Në shkurt, financeri miliarder amerikan Soros vuri në shënjestër kryeministrin indian Narendra Modi në një fjalim publik, duke pretenduar se ‘Modi dhe manjati i biznesit Adani janë aleatë të ngushtë; fati i tyre është i ndërthurur’.
