Këshilli i Paqes dhe Sigurisë (PSC) i Bashkimit Afrikan ka dalë kundër vendosjes së trupave të huaja të armatosura në Niger, për të liruar presidentin e rrëzuar Mohamed Bazoum dhe për të rivendosur rendin kushtetues, raportoi gazeta franceze Le Monde.
Vendimi vjen pasi PSC u takua në kryeqytetin etiopian të Addis Abeba të hënën, për të diskutuar situatën në Niamey dhe mënyrat për ta trajtuar atë.
Bazoum u rrëzua më 26 korrik nga anëtarët e gardës së tij presidenciale, duke provokuar zemërim në vendet perëndimore dhe disa qeveri rajonale, të cilat kërkuan përmbysjen e grushtit të shtetit.
ECOWAS, blloku rajonal i Afrikës Perëndimore, fillimisht lëshoi një afat 7-ditor për liderët e grushtit të shtetit që të largoheshin dhe më pas pretendoi se ata kishin kundërshtuar përpjekjet për negociata. Autoriteti rajonal kërcënoi se do përdorte forcën për të rikthyer Bazoumin e rrëzuar, të cilin sundimtarët e rinj ushtarakë e kanë ndaluar që nga marrja e pushtetit.
Javën e kaluar, ECOWAS autorizoi aktivizimin e një force gatishmërie për përdorim të mundshëm kundër krerëve të puçit, me shefat e ushtrisë së bllokut do takohen të enjten dhe të premten për t’u përgatitur për një ndërhyrje ushtarake nëse bisedimet dështojnë.
Megjithatë, PSC, organi përgjegjës për të vendosur mbi çështjet e zgjidhjes së konflikteve në Afrikë, ka vendosur të shkëputet nga përdorimi i forcës në Niamey, sipas burimeve diplomatike të cituara nga Le Monde.
