Deputetja Monika Kryemadhi deklaroi sot se edhe ata që kanë ngjyer gishtin me fondet për bujqësinë do të përgjigjen njësoj se të pandehurit e çështjes së incerenatorëve.
Nëpërmjet një statusi, Kryemadhi thotë se vendimi i BE për fondet e bujqësisë ishte i ditur dhe i denoncuar prej saj qysh në Maj 2022.
“Drejtësia vonon, por nuk harron. Kur ka opozitë të pa blerë dhe luftë pa kompromis ndaj korrupsionit, ka gjithmonë shpresë për shqiptarët. Vendimi i BE për fondet e bujqësisë ishte i ditur, i denoncuar prej meje qysh në Maj 2022. Kush ka ngjyer gishtin me incenerarorët do të marri edhe reston. Bye.. “ shprehet Kryemadhi.
Sipas Kryemadhit, krahas buxhetit të shqiptarëve, qeveria e Edi Ramës ka shpërdoruar edhe fondet e BE duke miratuar projekte klienteliste përmes AZHBR-së.
“I tillë është edhe kjo serrë pranë inceneratorit të Tiranës. Investim ky, që i takon kohës së drejtimit nga ministrja Krifca, por i pa promovuar nga ana e saj. Shqiptarëve u jepet luga bosh, klientëve të inceneratorëve u shtrohet tapeti i kuq për të fituar çdo gjë. Goditja pa kompromis e abuzimit të detyrës dhe korrupsionit në nivelet e larta, është kyç për të dekriminalizuar politikën dhe realizuar një shtet të së drejtës me standarde evropiane”, tha ajo.
