Kandidati republikan për president, Donald Trump do dërgojë mjete ushtarake amerikane për të luftuar kartelet e drogës në jug të kufirit, pretendoi ai në një video të fushatës.
Trump përshkroi një plan për të vendosur forcat amerikane që do shkaktonin ‘dëm maksimal’ ndaj rrjeteve kriminale, duke shtuar se ai do vendoste një embargo detare ndaj karteleve duke siguruar ‘bashkëpunimin e plotë’ të qeverive fqinje për ‘çmontimin’ rajonal të rrjeteve të drogës, kontrabandës dhe qenieve njerëzore.
Ish-presidenti premtoi se do mbështetej te Kongresi për të miratuar dënimin me vdekje për tregtarët e drogës dhe trafikantët e qenieve njerëzore.
Fentanyl do listohej përgjithmonë si një substancë e kontrolluar federale nën një presidencë të dytë Trump, vazhdoi ai, duke paralajmëruar se Kina do ‘paguante një çmim të lartë’ nëse nuk do të ‘frenonte’ shitjen e prekursorëve kimikë të përdorur për prodhimin e drogës.
“Kur të kthehem në Shtëpinë e Bardhë, do ndërmarr veprime që ditën e parë për t’i dhënë fund kësaj murtaje të tmerrshme dhe për të shpëtuar jetë amerikane,” deklaroi Trump në video, duke krahasuar arritjet e tij me ato të rivalit demokrat Joe Biden.
Konfiskimet e fentanylit në kufirin jugor të SHBA-së u trefishuan më shumë se midis 2020 dhe 2022, dhe shifrat e vitit 2023 tashmë kanë tejkaluar atë të vitit të kaluar me gjashtë muaj të mbetur në kalendar.
Numri i vdekjeve nga mbidoza e fentanylit është rritur me 94% që nga viti 2019, dhe ai mbetet shkaku kryesor i vdekjeve në mesin e amerikanëve të moshës 18 deri në 45 vjeç.
