Një adoleshent palestinez u qëllua për vdekje nga ushtria izraelite në Bregun Perëndimor të pushtuar, tha të hënën Ministria e Shëndetësisë palestineze, sipas AA.
Forcat izraelite sulmuan kampin e refugjatëve Aqabat Jaber pranë qytetit të Jerikos.
Një deklaratë e ministrisë tha se Jibril al-Leda, 17 vjeç, u qëllua në kokë dhe u vra.
Ministria tha se gjashtë palestinezë të tjerë u plagosën, tre në gjendje të rëndë, nga zjarri izraelit.
Tensionet janë rritur në të gjithë Bregun Perëndimor të pushtuar në muajt e fundit mes bastisjeve të përsëritura izraelite në qytetet palestineze.
Më shumë se 100 palestinezë janë vrarë nga zjarri izraelit që nga fillimi i këtij viti, sipas shifrave palestineze. Gjashtëmbëdhjetë izraelitë janë vrarë gjithashtu në sulme të veçanta gjatë së njëjtës periudhë.
