Koreja e Veriut mbajti një ceremoni të dielën për të festuar përfundimin e 10,000 shtëpive të reja moderne në distriktin Hëasong të sapondërtuar në Phenian, njoftoi media shtetërore KCNA.
Udhëheqësi Kim Jong Un mori pjesë në ceremoni, thuhet në raport, si dhe një numër zyrtarësh të lartë të qeverisë, përfshirë Kim Tok Hun, kryeministrin e kabinetit, shkruan Reuters.
Ky moment vjen dy muaj pasi Kim shpalosi në shkurt në një tjetër projekt strehimi që është përshkruar si ‘një tjetër rrugë luksoze e socializmit plot lumturi’ nga KCNA.
Në vitin 2021, Koreja e Veriut njoftoi planet për të ndërtuar 50,000 apartamente të reja në kryeqytet gjatë pesë viteve.
Që atëherë, Koreja e Veriut tha se ka ecur përpara me një sërë projektesh ndërtimi, disa prej të cilave janë ende në vazhdim mes dyshimeve të huaja për mungesa ushqimore.
Kim tha se projekti i strehimit është një plan i dashur prej kohësh që po shtyhet përpara si një ‘prioritet kryesor’ nga Partia e Punëtorëve të Koresë dhe shteti dhe ai ripohoi idenë e tij për ta bërë Phenianin një qytet ‘me famë botërore’, sipas KCNA.
