Qeveria shqiptare u ka dhënë gradën honorifike ‘Kolonel; sportistëve kampionë të Shqipërisë e Kosovës në disiplina të ndryshme që kanë nderuar vendet në Lojërat Olimpike apo në kampionatet evropiane e botërore.
Sportisët në fjalë do përfitojnë pagën dhe të gjitha privilegjet e tjera që vijnë me të deri në daljen në pension.
Kreu i qeverisë Rama tha gjatë ceremonisë se Shqipëria nuk e ul kokën nga turpi njësoj si në të shkuarën kur sportistët largoheshin duke përfaqësuar vende të tjera.
“Sot është ditë historike për sportistët dhe Forcat e Armatosura, sepse bëhen pjesë e FA një grup sportistësh që kanë ngritur lart flamurin kuqezi në arenën ndërkombëtare. Pjesë e FA janë edhe tre shqiptare e Kosovës, që do jenë nën të njëjtin flamur për të njëjtin mision, me të njëjtat ambicie dhe vullnete të bashkuara; në funksion jo vetëm të sportit por edhe Forcave të Armatosura. Përfshira e tyre si Kolonel dhe Kolonele e FA dhe gradave të tjera për arritjet në sport, përbën një vlerë të shtuar morale dhe profesionale, përtej simbolikës. Kampionët dhe kampionët, tanimë të dalë përfundimisht nga zona e harresës dhe braktisjes nga shteti, do jenë mes ushtarëve dhe drejtuesve të tyre, për përpjekjen për ta ngritur më lart arritjen e tyre. Shembulli i forcës së tyre do vihet në dispozicion për trajnimin e forcave tona. Vijmë sot këtu për t’u dhënë dorën sportistëve tanë më të mirë. I bëjmë të mundur që të përfaqësojnë me dinjtet Shqipëriën. Është e rëndësishme për këta fëmijë që janë sot këtu, që duan t’i ngjajnë një ditë kampionëve tanë. Nuk do jenë kampionë të harruar dhe njerëz të braktisur. Do kenë një pagë deri në moshën aktive por edhe një pension dinjitoz.” – tha Rama.
Sportistët që morën gradën ‘Kolonel’
Luiza Gega – Kampione Europe në atletikë
Briken Calja – Kampion në peshëngritje
Erkand Qerimaj – Kampion Europe në peshëngritje
Alban Beqiri – Kampion Ballkani në boks
Majlinda Kelmendi – Kampione Olimpike në xhudo
Distria Krasniqi – Kampione në xhudo
Nora Gjakova – Kampione në xhudo
