Kreu i Partisë Demokratike, Lulzim Basha, ka publikuar një video ku qytetarë të ndyrshëm shprehin se janë braktisur nga shteti dhe se nuk po ndihmohen.
Basha i ka kërkuar qeverisë të krijojë një plan të mirëmenduar për të mbështetur të gjitha familjet sipas nevojave dhe kushteve.
“Me mijëra njerëz në të gjithë vendin tregojnë mungesën e ndihmës dhe braktisjen nga shteti. Të përjashtuar nga plani i qeverisë, çdo ditë që kalon, për ta është një ditë pa bukë.
Duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit. Pagesa e mbijetesës për këdo që ka humbur punën nuk mund të vonohet më asnjë ditë!
Qeveria e ka për detyrë kushtetuese dhe ligjore të garantojë shëndetin dhe jetesën e çdo shqiptari. I bëj edhe një herë thirrje të shpërndajë pa asnjë vonesë fondet e ndihmës ekonomike dhe të rrisë buxhetin për emergjencën! Koha është TANI!”-shkruan Basha.
