Ish-guvernatori i Arkansas, Asa Hutchinson, ka njoftuar se do kandidojë për president të SHBA-së, në një intervistë për ABC. Ai është bërë gjithashtu kandidati i parë republikan që kërkon që ish-presidenti dhe kandidati kryesor i vitit 2024, Donald Trump të tërhiqet nga gara.
Problemet ligjore të Trump janë shumë shpërqendruese që ai të drejtojë në mënyrë efektive vendin, argumentoi Hutchinson, ndërsa pranoi se ai nuk do kishte ngritur akuzat ndaj tij nëse do kishte qenë prokuror.
Trump duhet të largohet nga gara sepse ‘ai duhet të jetë në gjendje të përqendrohet në çështjet ligjore me të cilat përballet’, ndërsa kolegët e tij republikanë duhet ‘të lënë sistemin të funksionojë’ në vend që ‘të minojnë gjithçka që është e mirë për Amerikën, që është e jona, sistemi i drejtësisë penale’, duke kundërshtuar aktakuzën, tha ai.
Duke theksuar se ai nuk donte perceptohej si ‘anti-Trump’, ish-guvernatori i tha gazetarit se ndërsa po ‘i ofronte një alternativë ish-presidentit’, ai donte ‘të ishte në gjendje të fliste edhe me votuesit e Trump’. si elementë të parties, veçanërisht ungjillorët.
“Jam i bindur se njerëzit duan drejtues që apelojnë për më të mirën e Amerikës dhe jo thjesht për instinktet tona më të këqija,” tha ish-drejtori i DEA-s, duke përmendur gjashtë muajt që ai kaloi duke udhëtuar nëpër SHBA përpara se të shpallte kandidaturën e tij. Ai planifikon të bëjë një njoftim zyrtar më vonë këtë muaj në Bentonville, Arkansas.
Hutchinson, një republikan i moderuar, nuk pranoi të parashtronte ndonjë pikë politike më specifike se ‘konservatorizmi i qëndrueshëm’, duke rritur sigurinë kufitare, duke rregulluar ekonominë dhe duke rimarrë një vend udhëheqës në botë.
Sfiduesit e tjerë të vitit 2024 kanë mbajtur një front të bashkuar me Trump pas aktakuzës ndaj tij të enjten. Ish-zëvendëspresidenti i tij, Mike Pence e quajti aktakuzën ‘politike’ që do shërbente për të përçarë më tej vendin, ndërsa ish-ambasadorja e OKB-së, Nikki Haley sugjeroi se rasti ishte ‘më shumë për hakmarrje se sa për drejtësi’.
Ish-sekretari i shtetit i administratës Trump, Mike Pompeo, qortoi Prokurorin e Qarkut të Manhatanit, Alvin Bragg për ‘lojën politike’ me sistemin ligjor, ndërsa guvernatori i Floridës Ron DeSantis e quajti aktakuzën ‘jo-amerikane’.
