Qeveria zvicerane ka vënë veton ndaj kërkesës së Danimarkës për të furnizuar Ukrainën me automjete të blinduara të prodhimit zviceran, duke përmendur politikën e saj të neutralitetit. Kështu të paktën njoftoi media zviceriane SRF të mërkurën.
Kopenhagen planifikonte t’i dhuronte Ukrainës transportuesit e blinduar Piranha III për përdorim në konfliktin me Rusinë. Por Sekretariati Shtetëror Zviceran për Çështjet Ekonomike, e hodhi poshtë kërkesën për dërgimin e rreth 20 automjeteve të tilla në Kiev.
Danimarka më parë ishte zotuar të mos rieksportonte armë të prodhimit zviceran në vende të tjera pa miratimin e Bernës.
Edhe Zvicra ka braktisur pjesërisht politikën e saj të gjatë të neutralitetit për t’iu bashkuar sanksioneve kundër Rusisë për ofensivën ushtarake kundër Ukrainës, përsëri argumenton se neutraliteti i saj nuk lejon sigurimin e armëve për përdorim në zonat e konfliktit.
Sipas raportit të SRF, Këshilli Federal i Zvicrës mund të ndryshojë qëndrimin e tij për këtë çështje këtë të premte ose të premten e ardhshme, me një numër deputetësh që thonë se ka një farë lirie në Aktin e Materialit të Luftës të vendit. Sipas mendimit të tyre, legjislacioni mund ta lejojë Bernën të lejojë vendet e tjera të rieksportojnë armët e tyre në zonat e konfliktit në rrethana të caktuara. Megjithatë, disa analistë nuk janë dakord.
