Një top misterioz i gjetur në një plazh në një qytet japonez ka bërë që policia të rrethojë zonën. Ata janë të shqetësuar se objekti mund të jetë një lloj mine detare, sipas mediave lokale.
Objekti u vu re të hënën në mëngjes nga një grua vendase në qytetin Hamamatsu në prefekturën Shizuoka, e cila e raportoi atë tek forcat e rendit.
Sipas raportimeve të mediave, ai ka një diametër rreth 1.5 metra (4.9 këmbë) dhe mund të jetë prej hekuri, sepse sipërfaqja e tij duket e ndryshkur.
Topi duket se ka dalë në breg nga deti dhe ka dy pika kapëse në anët e kundërta.
Policia rrethoi zonën në një rreze prej 200 metrash rreth objektit dhe thirri Forcat Japoneze të Vetëmbrojtjes, duke i kërkuar ushtrisë që të dërgonte dikë për ta inspektuar atë për eksploziv.
Gjuetia për objekte misterioze të rrumbullakëta është shtuar pasi SHBA-ja akuzoi Kinën për fluturimin e një ‘balone spiune’ nëpër hapësirën e saj ajrore në fillim të këtij muaji. Pekini tha se objekti ishte një mjet meteorologjik që humbi gabimisht në hapësirën ajrore të SHBA-së.
