Sipas gazetës britanike ‘The Sun’ një 17-vjeçar shqiptar mund të ketë kaluar eksperiencën më ‘horror’ të jetës së tij vetëm për të emigruar në mënyrë të paligjshme në Mbretërinë e Bashkuar.
Gazeta shkruan se emigranti adoleshent u përpoq të hynte fshehurazi në Britani u mbyll brenda arkivolit të një fëmije.
17-vjeçari u gjet i mbështjellë brenda arkivolit të vogël prej druri, të cilit i ishte vidhosur kapaku dhe zbulimi erdhi gjatë një kontrolli rutinë të një furgoni nga oficerët francezë të kufirit afër Dunkirkut.
I mituri shqiptar, i cili nuk mund të identifikohet për arsye ligjore, tha se kishte paguar 9 mijë paund për një kalim në Britani me furgon.
Ai i tha një gjykate: “U futa në arkivol në një stacion shërbimi autostrade në Steenvoorde (Franca veriore).
“Duhet të kem qenë brenda për të paktën një orë në momentin që furgoni u ndal”.
Arkivoli ishte fshehur mes kutive prej druri në pjesën e pasme të një furgoni Mercedes Sprinter.
