Një tempull budist në Melburn, Australi u përfshi plotësisht nga një zjarr i madh mbrëmjen e së dielës.
Mbi 30 kamionë zjarrfikës e 150 punonjës shkuan në vendin e ngjarjes për të kontrolluar flakët, sipas Daily Mail.
Fotot dhe videot e publikuara në mediat sociale tregojnë kompleksin e tempullit të ndezur, me flake të mëdha që ngrihen mbi çatinë e tij dhe një kolonë tymi të zi të dendur që ngrihet në qiellin e mbrëmjes mbi zonë.
Sipas disa raportimeve të mediave, tymi nga ndërtesa dykatëshe u pa deri në 15 kilometra larg.
Tempulli ndodhet në periferinë juglindore të Melburnit, Springvale dhe ishte një pikë referimi dhe vend adhurimi popullor për mijëra budistë vendas.
Banorëve vendas iu kërkua të qëndrojnë brenda dhe të mbyllin të gjitha dyert dhe dritaret.
Po ashtu njerëzve iu kërkua të mbanin rrugët të lira për automjetet e emergjencës dhe të shmangnin vendin e zjarrit.
