Juventusi është rikthyer te rezultatet pozitive dhe fitoret.
“Zonja e Vjetër” e mposhti minimalisht 1:0 në shtëpi Lazion në çerekfinale të Kupës së Italisë, për ta prerë njërën nga katër biletat që dërgojnë në gjysmëfinale.
Ndeshja prodhoi vetëm një gol, i cili erdhi në fund të pjesës së parë.
Ishte Bremer i cili realizoi në minutën e 44-të, pas asistimit nga Kostic.
Juventusi arrin të kualifikohet në gjysmëfinale të Kupës së Italisë, kurse rrugëtimi i ekipit të Sarrit ndalon këtu sa i përket këtij kompeticioni.
