Inflacioni i ushqimeve në Britani u rrit me 16.7% në katër javët e janarit. Edhe ushqimet bazë si qumështi, gjalpi, djathi, vezët e ushqimi i qenve u bënë më të shtrenjta, sipas shifrave të reja të publikuara nga studiuesi i tregut Kantar të martën.
Raporti thotë se rritja e çmimeve të ushqimeve është në nivelin më të lartë që kur firma filloi të gjurmonte shifrat në vitin 2008, duke shtuar gati 800 stwrlina (1000 dollarë) në faturën tipike vjetore të blerjeve dhe duke i detyruar familjet të ndryshojnë zakonet e tyre të blerjes për të kursyer kostot.
“Në fund të vitit të kaluar, ne pamë një rënie të lehtë të normës së inflacionit të çmimeve ushqimore, por ajo shenjë e vogël lehtësimi për konsumatorët ka qenë jetëshkurtër,” tha kreu i Kantarit për shitjet me pakicë dhe njohuri për konsumatorët, Fraser McKevitt.
Megjithëse inflacioni i përgjithshëm ka filluar të zbutet në Mbretërinë e Bashkuar, çmimet e ushqimeve janë rritur, thanë ekonomistët.
