Më shumë se 50 persona janë lënduar në një aksident autobusi ndërqytetës në provincën e British Columbia, Kanada.
Ngjarja ka ndodhur në afërsi të qytetit Merritt, ku temperaturat kanë rënë në -3.9C të shtunën.
Autoriteti i Shëndetit të Brendshëm të British Columbia ka lëshuar një “kod portokalli”, që do të thotë se shërbimet po i përgjigjen një fatkeqësie ose viktimash masive.
Nuk dihet se çfarë e shkaktoi përplasjen, e cila ndodhi rreth 260 km nga kryeqyteti i provincës, Victoria.
BBC shkruan se pesëdhjetë e tre persona u dërguan në spital pas incidentit. Kushtet e tyre nuk janë bërë të ditura nga autoritetet shëndetësore lokale.
Kryeministri David Eby tha se ishte “i tronditur dhe i pikëlluar” kur dëgjoi për incidentin “serioz“.
Ai shtoi: “Mendimet tona janë me ata të prekur nga përplasja, të dashurit e tyre dhe reaguesit e parë dhe punonjësit e kujdesit shëndetësor që japin gjithçka për të trajtuar njerëzit dhe për t’i mbajtur ata të sigurt.”
