Sokol Mjacaj do të qëndrojë përjetësisht prapa hekurave. Ky është vendimi që ka dhënë sot Gjykata Kushtetuese.
Mjacjaj ka kërkuar për të përfituar gjykim të shkurtuar por Gjykata Kushtetuese e hodhi poshtë këtë kërkesë të tij, njëlloj si Gjykata e Shkallës së Parë Shkodër, ashtu edhe Apeli më pas.
Nëse pranohej kërkesa e tij, Mjacaj mund të shpëtonte nga dënimi i përjetshëm, pasi pranimi i gjykimit të shkurtuar do i mundësonte uljen e një të tretës së dënimit.
Sokol Mjacaj u shpall fajtor nga gjykata e Shkodrës në vitin 2015 dhe u dënua me burgim të përjetshëm për akuzat e vjedhjes me pasojë vdekje dhe prodhim e mbajtje të armëve luftarake.
Mjacaj akuzohet qëlloi për vdekje dy turistët çekë Michael Svatos, 27 vjeç dhe Ana Kosinova, 36 vjeçe, mbrëmjen e 4 korrikut të shtatë viteve më parë. Ai u ngjit në makinën e dy turistëve dhe u kërkoi atyre t’i jepnin paratë dhe t’i dorëzonin makinën, por kur hasi në rezistencë nxori armën dhe i vrau.
