Mjeku i njohur Ilir Alimehmeti, i cili kandidoi në Primaret e Partisë Demokratike për Bashkinë e Tiranës thotë se do të mbështesë fort kandidatin fitues Belind Këlliçin.
Përmes një postimi të publikuar pak momente më parë, Alimehmeti ndan foto nga festa e 32-vjetorit të krijimit të Partisë Demokratike. Në një nga fotot ai pozon krah Këlliçit, të cilin thotë se do ta mbështesë dhe këshillojë sa herë të jetë e nevojshme.
“Gëzuar 32-vjetorin e pluralizmit politik në Shqipëri falë Partisë Demokratike!
Në 1990, rinia hodhi poshtë një sistem totalitar.
Në 2022, rinia mblidhet sërish bashkë kundër një sistemi totalitar.
Hapi i parë: në krah të z. Këlliçi për të fituar në zgjedhjet lokale të Bashkisë së Tiranës, me mbështetje dhe këshillë sado dhe kurdo të nevojiten.
Të vendosur për të fituar!”- shkruan Alimehmeti.
