Kryeministri Edi Rama ka reaguar përsëri lidhur me kritikat ndaj tij se përse nuk uroi futbollistët me origjinë shqiptare Granit Xhaka dhe Xherdan Shaqiri që janë pjesë e kombëtares Zviceriane dhe ishin protagonistët në fitoren përballë Serbisë në Kupën e Botës.
Rama ka shpërndarë në “Twitter” dy fotot që kanë qarkulluar në rrjet ku ai shpreh urimet e tij për fitoren e Zvicrës në vitin 2018 po kundër Serbisë në Kampionatin Europian.
“Janë ca kinse patriotë më të mëdhenj se të tjerët e disa kinse të zgjuar më shumë se të tjerët, që fjalëve të mia sot u kundërvihen me postimet e mia dikur për e Xherdanit e Granitit! U qëndroj 100% të dyjave dhe ata që nuk duan ta kuptojnë psenë nuk kam se si i ndihmoj.”-shkruan Rama.
Janë ca kinse patriotë më të mëdhenj se të tjerët e disa kinse të zgjuar më shumë se të tjerët, që fjalëve të mia sot u kundërvihen me postimet e mia dikur për 👐 e Xherdanit e Granitit! U qëndroj 100% të dyjave dhe ata që nuk duan ta kuptojnë psenë nuk kam se si i ndihmoj🤷🏻♂️ pic.twitter.com/9pzH1hw4J6
— Edi Rama (@ediramaal) December 4, 2022
Kryeministri shqiptar u kritikua pasi në një konferencë për media sot, tha se ai s’është kryeministër i Zvicrës dhe se nuk është “aspak dinjitoze” që t’i përdorte për politikë futbollistët shqiptarë.
“Sepse është ekipi kombëtar i shtetit tjetër. Dhe do t’i fryeja zjarrit të një nacionalizmi – më falni për shprehjen – qesharak. Por nacionalizmi është gjithmonë sa qesharak, aq i rrezikshëm. Nuk është e nevojshme. Nuk e shoh fare të nevojshme dhe më duket që kush e bën këtë, nuk e bën gjënë e duhur.”– shprehej ai. Por kjo deklaratë e Ramës bëri që në rrjet të qarkullonin postimet e mëparshme të tij, kur ai i uronte dy futbollistët.
