Kryetari i Partisë Demokratike, Sali Berisha ka komentuar dështimin e bashkimit të dy grupimeve brenda PD-së e cila u njoftua nga deputeti Enkelejd Alibeaj.
Berisha tha se fitorja e PD-së ka në themel statutin ndërsa grupimi i Alibeajt nuk e pranoi statutin.
“Statuti përbën themelin e fitores në zgjedhje.
Sot do bëj një takim me kryetarët e degëve të Tiranës për t’i dhënë udhëzimet për protestën e jashtëzakonshme.
Të sigurtë të jeni se ai që prek flamurin e PD-së, i ka bërë hesapet shumë, shumë keq.
Kjo do të thotë që do e shikoni në ditët e ardhshme. Nuk i preket flamuri Partisë Demokratike“-deklaroi Berisha.
