Komisioni Evropian ngriti “shkopin” e sanksioneve të mëtejshme kundër Bjellorusisë, duke i kërkuar Minskut të ndalojë përhapjen e “akuzave të rreme” kundër Ukrainës dhe të anulojë grumbullim të përbashkët të trupave me Rusinë.
Udhëheqësi autokratik i Bjellorusisë Alexander Lukashenko, një aleat i ngushtë i presidentit rus Vladimir Putin, përsëriti pretendimet të hënën gjatë një takimi me zyrtarë ushtarakë dhe të sigurisë se “kryerja e sulmeve në territorin e Bjellorusisë jo vetëm nuk po diskutohet por po planifikohet në Ukrainë.”
Ai tha gjithashtu se të dy udhëheqësit kanë rënë dakord të krijojnë një “grupim rajonal të trupave” të përbashkët, por nuk ofroi detaje se ku dhe kur mund të vendoset një grupim i tillë.
Zëdhënësi i Punëve të Jashtme Peter Stano u tha gazetarëve në Bruksel se Komisioni “mori parasysh akuzat e rreme” të cilat ai i quajti “krejtësisht të pabaza, qesharake” dhe “krejtësisht të papranueshme”.
“Ukraina këtu është viktima. Ukraina nuk është agresori. Dhe ne i kujtojmë regjimit bjellorus se Ukraina është nën sulm brutal, ilegal, i cili është në kundërshtim me statutin e OKB-së dhe në shkelje të ligjit ndërkombëtar. Dhe ne i bëjmë thirrje regjimit në Minsk. të përmbahet nga çdo përfshirje e Bjellorusisë në këtë ndërmarrje brutale, të paligjshme.”
“Dhe ne gjithashtu i bëjmë thirrje regjimit në Minsk që të ndalojë menjëherë lejimin e territorit të Bjellorusisë që të shërbejë si pikënisje për sulmet ajrore, duke përfshirë sulmet e fundit me raketa dhe sulmet me dron kundër Ukrainës dhe objektivave në territoret ukrainase”, shtoi ai.
Pretendimet e fundit të Lukashenkos erdhën pasi Rusia lëshoi një breshëri raketash kundër objektivave ukrainas të hënën, duke përfshirë në Kievin ku të paktën dhjetë njerëz u vranë dhe dhjetëra të tjerë u plagosën.
