Qeveria moldave ka hapur një faqe interneti të veçantë e cila do t’i ndihmojë qytetarët të gjejnë dru zjarri për të ngrohur shtëpitë e tyre, njoftuan autoritetet këtë javë.
“Faqja ofron informacion për pyllin ose fushën e druve më të afërt, duke lehtësuar kështu procesin e sigurimit të popullatës me dru zjarri për ngrohje.” – tha në një deklaratë shërbimi për shtyp i kryeministrisë.
Druri i zjarrit është bërë i pakët kohët e fundit pasi më shumë njerëz shmangin pagesën e faturave të larta të gazit. Për shkak të mungesës, është vendosur një kufi prej 5 metër kub dru zjarri për familje, të cilat shitet me çmime nën tregun, raportojnë mediat lokale.
Më herët, qeveria e vendit hapi gjithashtu një linjë telefonike ku njerëzit mund të marrin informacion mbi depot e druve të zjarrit dhe të njoftojnë autoritetet për rastet e korrupsionit dhe prerjeve të paligjshme të pemëve.
Një nga vendet më të varfra në Evropë, Moldavia është përballur me inflacionin vjetor rekord prej mbi 30%, të nxitur kryesisht nga kostot e energjisë. Autoritetet u kanë kërkuar familjeve të zvogëlojnë sa më shumë konsumin e gazit, pasi çmimet janë rritur afërsisht pesëfish që nga fillimi i vitit. V
endi po përballet gjithashtu me një afat kohor më 1 tetor për të negociuar shlyerjen e borxhit me Gazprom të Rusisë. Nëse bisedimet dështojnë, mund të çojë në një ndërprerje të plotë të furnizimit me gaz.
