Presidenti ukrainas Zelensky ka dalë ‘pa lëndime serioze’ nga një aksident me makinë në Kiev të mërkurën. Sipas një deklarate të sekretarit të shtypit të presidentit, ‘një makinë u përplas me makinën e Presidentit të Ukrainës dhe automjetet e shoqërimit’.
Mjekët që shoqëronin presidentin ukrainas i dhanë ndihmë të menjëhershme shoferit të makinës dhe e transferuan atë në një ambulancë, thuhet në deklaratë.
“Presidenti u ekzaminua nga një mjek, nuk u gjetën lëndime serioze.” – shtohet në deklaratë.
Më herët të mërkurën, Zelensky vizitoi Iziumin e sapoçliruar në rajonin verilindor të Kharkiv, pesë ditë pasi forcat e vendit rimorën qytetin.
Fotografitë në faqen e Facebook të një njësie të ushtrisë treguan Zelensky në një ceremoni në sheshin kryesor për të ngritur flamurin ukrainas mbi ndërtesën administrative të qytetit. E pranishme ishte edhe zv.ministrja e Mbrojtjes Hanna Maliar.
