Republikanët kanë kritikuar presidentin amerikan Joe Biden për pushime ‘të tepërta’, pasi një raport jozyrtar tregoi se ai ka marrë më shumë ditë pushim se paraardhësi i tij, Donald Trump.
Deklarata erdhi pasi ish-reporteri i CBS News, Mark Knoller, llogariti se Biden kishte kaluar 150 ditë pushime në shtëpinë e tij në Delaëare që kur mori detyrën në janar 2021.
“Kjo është më shumë sesa paraardhësi i Bidenit. Donald Trump, i kaloi pushimet në resortin e tij Mar-a-Lago në Florida dhe klubin Bedminster në New Jersey (132 ditë) gjatë gjithë mandatit të tij katërvjeçar”, sipas Knoller.
Më vete nga udhëtimet e tij në Delaware, Biden bëri një pushim njëjavor në Karolinën e Jugut këtë muaj.
“Sa mund të jetë jashtë realiteti Joe Biden? Ai po kalon pothuajse të gjithë gushtin me pushime ndërsa amerikanët janë të detyruar të anulojnë udhëtimet e tyre verore për shkak të inflacionit historik, çmimeve të larta të gazit dhe një recesioni”, tha zëdhënësja e RNC Emma Vaughn në një deklaratë të shtunën, duke shtuar se presidenti duhet të ‘përqendrohet për rregullimin e krizave që ai vetë i shkaktoi
