Zjarrfikësit në Itali kanë shpëtuar një burrë që mbeti i ngecur nën tokë në qendër të Romës ndërsa gërmonte një tunel.
Kështu njoftoi të premten në një deklaratë Brigada e Zjarrfikësve të kryeqytetit italian. Mediat thotë se burri ishte pjesë e një bande që kërkonte të grabiste një bankë aty pranë dhe prandaj ai kishte qenë duke hapur tunel.
“Pas tetë orësh punë, forcat zjarrfikëse nxorrën, ende gjallë, njeriun që mbeti i bllokuar për shkak të një shembjeje që ndodhi gjatë ekzekutimit të një gërmimi nëntokësor në Via Innocenzo XI. Shkaqet janë duke u hetuar.”- thuhet në njoftimin e Brigadës së Zjarrfikëses.
Intervento in corso in via Innocenzo XI a Roma dove un uomo è intrappolato in un tunnel cinque metri sottoterra. Dopo i primi tentativi, adesso gli agenti dei nuclei speciali hanno iniziato a scavare un secondo tunnel per raggiungere l’operaio rimasto intrappolato pic.twitter.com/AfmTzdLh9m
— Fanpage.it (@fanpage) August 11, 2022
Operacioni i shpëtimit tërhoqi vëmendjen e vendasve dhe turistëve, pasi u zhvillua jo shumë larg Vatikanit. Videot në rrjetet sociale tregojnë momentin kur zjarrfikësit më në fund e nxorrën burrin 34 vjeçar nga nëntoka. Pasi u shpëtua Andrea Grassi, është shtruar në spitalin San Camillo në gjendje të rëndë, por jeta e tij nuk është në rrezik.
Raportet e mediave sugjerojnë se i shpëtuari ishte pjesë e një bande që planifikonte të përfitonte nga periudha e qetë e pushimeve verore duke gërmuar një tunel nga ambientet e marra me qira në qendër të qytetit deri në kasafortën e njërës prej bankave aty pranë, me synimin për ta grabitur në mes të gushtit.
Megjithatë, plani i tyre dështoi kur gjatë gërmimit, një copë asfalti ra dhe e bllokoi Grassin në një thellësi rreth 6-7 metra, duke mos i lënë atij zgjidhje tjetër veçse të bërtiste: “Ndihmë, ju lutem më çlironi”.
Un uomo è rimasto incastrato in un tunnel sotterraneo che stava scavando abusivamente nei pressi di via Innocenzo XI a Roma. L’uomo, che si trovava a 5 metri di profondità è stato salvato dai vigili del fuoco dopo 8 ore di intervento. pic.twitter.com/ZpJz7FlLZT
— Simona Berterame (@BerterameSimona) August 11, 2022
Bashkëpunëtorët e tij arritën të dilnin nga tuneli, por fati i tyre përfundoi aty, pasi u ndaluan nga policia. Dy të dyshuarit nga Napoli u arrestuan për rezistencë ndaj një zyrtari publik dhe dy nga Roma, për dëmtim të pronës publike.
Hetimi për rastin e asaj që mediat italiane e quajnë ‘banda e tunelit’ është në vijim.
Të pesë burrat kanë dënime të mëparshme për grabitje, tha një përfaqësues i zbatimit të ligjit për mediat lokale. Asnjë prej tyre deri më tani nuk e ka pranuar fajin në lidhje me ngjarjen.
Prindërit e Grassit dolën në mbrojtje të tij, duke kërkuar që djali i tyre të mos quhet më “hajduti me fat”. Ata thanë për mediat: “Ai punon për 50 euro në ditë. Ata i thanë të gërmonte dhe ai e bëri.”
