Kreu i PD-së Sali Berisha dhe ai i Partisë së Lirisë, Ilir Meta iu bashkuan të ndarë protestës së sotme të Ministria e Brendshme.
Por ata u takuan së bashku pas zhvendosjes te Kryeministria të të gjithë turmës.
Në deklaratat e tyre të ndara ata kërkuan që të dorëhiqen drejtuesit e institucioneve përgjegjëse.
Te kryeministria qytetarët ndezën qirinj, në shkallët në hyrje të godinës.
Në shesh u mblodhën mijëra qytetarë të cilët me pankarta por edhe me thirrje kërkuan dorëheqjen e qeverisë.
Në protestë u panë prindër me fëmijë të cilët protestuan për vrasjen e 7-vjeçares nga skafi që drejtohej nga eksponenti i policisë në Himarë.
Pas kryeministrisë, qytetarët iu drejtuan Presidencës ku kërkuan një reagim nga Kreu i Shtetit i cili nuk ka reaguar ende.
