Një 36-vjeçar nga Kavaja është arrestuar sot në Tiranë, pasi ishte i shpallur në kërkim për heqje lirie dhe prostitucion.
Klodian Lila, 36 nga Kavaja ishte shpallur në kërkim, pasi Gjykata e Rrethit Gjyqësor Kavajë e ka dënuar atë me 3 vjet burgim për veprat penale “Heqja e paligjshme e lirisë” dhe “Prostitucioni”.
Kjo për një ngjarje të ndodhur në korrik të vitit 2019, kur Lila ka marrë në automjetin e tij një grua, pa dëshirën e saj, dhe ka kryer marrëdhënie seksuale me të, kundrejt pagesës.
Ai ka qenë i arrestuar edhe më parë në vitin 2015, pasi dyshohej se kishte abuzuar seksualisht me një vajzë të mitur.
NJOFTIMI I POLICISË
Vijon puna për kapjen e personave të shpallur në kërkim.
Finalizohet operacioni policor i koduar “Streha”, i zhvilluar nga Komisariati i Policisë Nr. 2.
Vihet në pranga 1 shtetas i shpallur në kërkim për veprat penale “Heqja e paligjshme e lirisë” dhe “Prostitucioni”.
Shërbimet e Komisariatit të Policisë Nr. 2, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “Streha”.
Si rezultat i këtij operacioni, në rrugën “Shefqet Musarai”, u bë kapja dhe arrestimi i shtetasit:
– Klodian Lila, 36 vjeç, banues në Kavajë.
Ky shtetas ishte shpallur në kërkim, pasi Gjykata e Rrethit Gjyqësor Kavajë e ka dënuar me 3 vjet burgim për veprat penale “Heqja e paligjshme e lirisë” dhe “Prostitucioni”.
Në korrik të vitit 2019, ky shtetas ka marrë në automjetin e tij një shtetase, pa dëshirën e saj, dhe ka kryer marrëdhënie seksuale me të, kundrejt pagesës.
Materialet i kaluan Prokurorisë, për veprime të mëtejshme.
