Aksionet e gjigantit të mediave sociale “Twitter” kanë rënë të hënën pasi Elon Musk tërhoqi ofertën e tij prej 44 miliardë dollarësh për të blerë kompaninë.
Aksionet e firmës ranë gati 7% në 34.40 dollarë për aksion, duke u tregtuar shumë më poshtë ofertës që Musk bëri në prill prej 54.20 dollarësh për aksion. “Twitter” është në rrugën e duhur për të fshirë rreth 2 miliardë dollarë në vlerën e tregut nga çmimi i mbylljes së javës së kaluar.
Të premten, avokati i Elon Musk njoftoi bordin e “Twitter”-it se miliarderi donte të anulonte blerjen. Ai pretendoi se kompania i kishte keqinterpretuar të dhënat e përdoruesve, me numrin e llogarive spam ose të pa dëshiruara në platformë shumë më të lartë se sa pretendohej.
Por “Twitter” u përgjigj duke thënë se i kishte dhënë Musk-ut gjithë informacionin që i nevojitej për të vlerësuar pretendimin e tij se llogaritë e padëshiruara përbëjnë vetëm 5% të përdoruesve aktivë të përditshëm të fitueshëm. Kompania këmbëngul se vlerësimet e saj ishin të sakta.
