Departamenti i Policisë së Los Anxhelosit (LAPD) thotë se komediani Chris Rock ka refuzuar të paraqesë një raport policor kundër aktorit Will Smith pas incidentit në ndarjen e çmimeve “Oscar”.
Një zëdhënës i Policisë sipas BBC-së tha se “është në dijeni të një incidenti midis dy individëve gjatë programit të ‘Academy Aëards’…i cili përfshinte një individ që godiste një tjetër.
Individi i përfshirë ka refuzuar të paraqesë një raport policor. Nëse pala e përfshirë dëshiron të plotësojë një raport policie në një datë të mëvonshme, LAPD do të jetë në dispozicion për të përfunduar një raport hetimor.”
Kujtojmë se momenti i shuplakës që Will Smith i dha Chris Rock mbrëmë në ceremoni fillimisht u kuptua si shaka. Ndërsa vetëm më pas u ngritën dyshime se mbase reagimi i aktorit nuk kishte qenë aq për të qeshur, por në fakt ai ishte zemëruar vërtet me komedianin. Kjo pasi ky i fundit bëri një shaka për flokët e rruar të gruas së tij Jada, e cila vuan nga një sëmundje e quajtur alopeci, e cila i shkakton rënien e flokëve.
Here’s the moment Chris Rock made a “G.I. Jane 2” joke about Jada Pinkett Smith, prompting Will Smith to punch him and yell, “Leave my wife’s name out of your f–king mouth.” #Oscars pic.twitter.com/kHTZXI6kuL
— Variety (@Variety) March 28, 2022
