Vendosni fjalën kyçe....

Zelensky thirrje në Parlamentin Britanik ta ndihmojnë Ukrainën


Presidenti i Ukrainës i bëri një lutje të drejtpërdrejtë Britanisë që të bënte më shumë për të ndihmuar vendin e tij të zmbrapste pushtimin rus.

Në një fjalim të transmetuar drejtpërdrejt në Dhomën e Përfaqësuesve, Volodymyr Zelensky e citoi Churchillin kur i tha një dhome të mbushur plot: “Ne do të vazhdojmë të luftojmë për tokën tonë, pavarësisht nga kostoja. Ne do të luftojmë në pyje, në fusha, në brigje dhe në rrugë.”

Ukraina “nuk do të humbasë” ndaj Rusisë, u zotua ai. Zelenskiy, i cili mori duartrokitje të gjata nga deputetët para dhe pas fjalimit të tij, citoi gjithashtu Shekspirin për të përshkruar gjendjen e vështirë të vendit të tij nën pushtimin rus, shkruan The Gurdian, raporton Gazeta Express.

“Çështja për ne tani është të jemi apo të mos jemi,” tha ai, sipas një përkthimi të fjalimit të tij, i cili u mbajt në gjuhën ukrainase dhe u transmetua drejtpërdrejt nga Kievi. “Oh jo, kjo pyetje shekspiriane. Për 13 ditë mund të ishte bërë kjo pyetje, por tani mund t’ju jap një përgjigje përfundimtare. Është padyshim që po, të jesh. Dhe dua t’ju kujtoj fjalët që Mbretëria e Bashkuar ka dëgjuar tashmë, të cilat janë përsëri të rëndësishme. Ne nuk do të dorëzohemi dhe nuk do të humbasim.”

Zelenskiy, i parruar dhe i veshur me një bluzë të errët, mbajti fjalimin e tij ulur pranë një flamuri ukrainas. Jehona e tij për Churchillin, liderit të Luftës së Dytë Botërore për të cilin Boris Johnson ka shkruar një libër, do të shihet si një thirrje e drejtpërdrejtë për kryeministrin e Mbretërisë së Bashkuar dhe partinë e tij.

Fjalimi erdhi menjëherë pasi Britania e Madhe njoftoi se do të hiqte gradualisht importin e naftës dhe produkteve të naftës ruse deri në fund të vitit. Zelenskiy përsëriti thirrjet për më shumë mbështetje të Mbretërisë së Bashkuar, duke përfshirë përsëritjen e një lutjeje për një zonë ndalim-fluturimi, të cilën vendet e NATO-s kanë refuzuar ta imponojnë për shkak të frikës se mund të shkaktojë një luftë tjetër botërore.

“Jemi mirënjohës për këtë ndihmë dhe ju jam mirënjohës Boris”, tha ai duke iu drejtuar kryeministrit me emër. “Ju lutemi rrisni presionin e sanksioneve kundër këtij vendi [Rusisë] dhe ju lutemi ta njihni këtë vend si një vend terrorist. Ju lutemi sigurohuni që qiejt tanë të Ukrainës të jenë të sigurt. Ju lutemi sigurohuni që të bëni atë që duhet bërë dhe atë që përcaktohet nga madhështia e vendit tuaj.”

Fjalimi u dëgjua në heshtje, përtej dy ekraneve që luanin fjalimin e Zelenskiy dhe kolonës zanore të sfondit të mbytur të një përkthimi të njëkohshëm në anglisht në kufjet e dhëna deputetëve për këtë rast.