Pamjet nga jashtë ndërtesës së parlamentit të Zelandës së Re treguan përleshje të dhunshme të mërkurën midis policisë dhe protestuesve kundër vaksinave, të cilët kanë demonstruar atje për gati katër javë.
Qindra oficerë me pajime të rënda u zhvendosën në kampin ku ishin mbledhur protestuesit, duke shkatërruar tendat, duke hequr automjetet dhe duke arrestuar 38 persona. Protestuesit u përgjigjën duke përdorur tela, mburoja prej kompensate, sfurqe dhe fikëse zjarri në një përpjekje për të zmbrapsur policinë.
Duke iu drejtuar situatës në parlament të mërkurën, kryeministrja e Zelandës së Re Jacinda Arden deklaroi se ‘policia e priste që do të kishte armiqësi, rezistencë dhe dhunë’.
Ajo konfirmoi se një numër oficerësh policie ishin plagosur në përleshjet, por nuk specifikoi shifrën e saktë.
“Unë isha edhe e zemëruar edhe e trishtuar thellësisht kur pashë parlamentin, parlamentin tuaj, parlamentin tonë të përdhosur në atë mënyrë,” tha udhëheqësi i Zelandës së Re.
Në një moment, flakët e shumta ishin të dukshme në ambientet e parlamentit, duke përfshirë një në një shesh lojrash publike, me tym dhe shpërthime që dilnin nga zjarri. Protestuesit thuhet se po hidhnin materiale mbi zjarrin për ta mbajtur atë të ndezur. Ardern më vonë konfirmoi se zjarri ishte shuar nga autoritetet.
Policia hyri për të pastruar demonstruesit ndërsa protesta hyri në ditën e saj të 23-të në terrenin parlamentar, ku aktivistët kanë kundërshtuar vendosjen e pasaportës së vaksinës nga qeveria për disa kategori punonjësish.
