Presidenti zviceran Ignazio Cassis nuk përjashtoi ngrirjen e aseteve ruse nga institucionet financiare në vend në mes të ofensivës së Moskës në Ukrainë. Politikani tha se një skenar i tillë ishte i mundshëm pavarësisht statusit të gjatë neutral të Zvicrës.
Cassis i tha stacionit televiziv zviceran RTS të dielën se ‘ka shumë të ngjarë’ se qeveria zvicerane ‘do të vendosë ta bëjë këtë nesër’.
“Por nuk mund të parashikoj vendime që nuk janë marrë ende,” shtoi ai.
Presidenti tha se ndërsa Zvicra supozohet se ka mbetur e përkushtuar ndaj politikës së saj të neutralitetit, ‘kjo nuk e pengon atë të mbajë qëndrime të këtilla’.
Neutraliteti ka qenë shtylla kryesore e politikës së jashtme zvicerane që nga viti 1815 dhe vendi zyrtarisht mbeti neutral si në Luftën e Parë Botërore ashtu edhe në Luftën e Dytë Botërore. Megjithatë, Zvicra është e detyruar të zbatojë sanksionet e vendosura nga Kombet e Bashkuara.
Zvicra njoftoi më parë të enjten se do të sanksionojë tre banka ruse dhe do të vendosë kufizime të udhëtimit për 361 zyrtarë të Dumës ruse.
Cassis pretendoi se Zvicra ‘nuk ka miratuar drejtpërdrejt sanksione’ kundër Rusisë në vitin 2014 ‘për arsye neutraliteti’, por se qeveria tani ‘e kishte gati përgjigjen e saj’.
