Një diamant i zi 555,55 karatësh që besohet se vjen nga hapësira ka dalë në shitje. Diamanti i zi që ka ardhur nga jashtë Tokës është nxjerrë në shitje nga shtëpia e ankandit ‘Sotheby’s Dubai’.
Perla e rrallë, të cilën Sotheby’s e ka quajtur ‘Enigma’, besohet të ketë ardhur nga hapësira e jashtme dhe është krijuar nga një përplasje meteorike ose nga një asteroid që është përplasur me Tokën.
Një diamant i zi me pamje natyrale i kësaj madhësie është një ‘dukuri jashtëzakonisht e rrallë’, sipas Sotheby’s, që pret që ai të shitet deri në 6.8 milion dollarë kur të dalë në shitje në muajin shkurt në Londër, pasi të ekspozohet më parë në Dubai dhe Los Anxhelos.
Diamantet e zeza, të njohur edhe si diamantet Carbonado, datojnë midis 2.6 dhe 3.8 miliardë vjet të vjetër dhe kanë gjurmë të azotit dhe hidrogjenit, elementë që gjenden në hapësirën ndëryjore. Ato përmbajnë gjithashtu osbornit, një mineral i pranishëm në meteorite.
Forma e diamantit është frymëzuar nga simboli i palmës së Lindjes së Mesme të Hamsa, një shenjë mbrojtjeje, që do të thotë pesë në arabisht.
