Një mbështetës i ish-kryeministrit Sali Berisha ka mbetur i plagosur në kokë, pasi është gjuajtur me gurë nga kati i dytë i selisë.
“Nga zyra e Lulzim Bashës kanë gjuajtur me gur protestuesin paqësor. Kjo është fytyra e Lulzim Pengut.”- tha Berisha pas incidentit.
Disa nga protestuesit ishin ngjitur me shkallë në katin e dytë, por u detyruan të zbrisnin pasi u sulmuan nga disa persona nga ballkoni i Bashës.
“Lulzim Basha hiq dorë nga dhuna, largo rrugeçërit nga shtëpia e demokracisë. Është prostestë paqësore, jemi në shtëpinë tonë.”– tha Berisha.
