Të paktën 16 persona humbën jetën kur varka e tyre u përmbys jashtë ishullit grek të Paros në detin Egje të premten, në fatkeqësinë e tretë detare që përfshin emigrantët këtë javë, tha Roja Bregdetare e vendit.
Autoritetet ndërmorën një operacion kërkimi dhe shpëtimi gjatë natës në veriperëndim të Paros. Mjetet ajrore dhe detare u vendosën në zonë, tha Roja Bregdetare.
Greqia është një nga rrugët kryesore për në Bashkimin Evropian për emigrantët dhe refugjatët nga Afrika, Lindja e Mesme dhe më gjerë, megjithëse fluksi është zvogëluar që nga viti 2015-2016, kur më shumë se një milion njerëz përshkuan vendin drejt shteteve të tjera të BE-së.
Tetëdhjetë persona besohet se kanë qenë në mjetin lundrues, i cili sipas Rojes Bregdetare besohet se ishte nisur nga Turqia për në Itali.
Rrethanat në të cilat anija u përmbys ishin të paqarta.
Giannis Plakiotakis, ministri i Marinës, tha se bandat e trafikut ishin përgjegjëse për fatkeqësitë.
