Një sherr me thika ka ndodhur mes dy personave në Kamëz, ku njëri prej të cilëve ka mbetur i plagosur.
Mësohet se ngjarja ka ndodhur dy ditë më parë, ku sipas policisë, 45-vjeçari me inicialet A.M, ka goditur me thikë 47-vjeçarin me inicialet B.S.
Ky i fundit ka përfunduar në spital ku është mjekuar për plagët e marra dhe më pas është kthyer në shtëpi.
Personi që ka goditur me thikë është arrestuar në vendin ku ndodhi ngjarja.
“Më datë 19. 11. 2018, u arrestua në flagrancë shtetasi A. M., vjeç 45, banues në Tiranë, pasi në Kamzë, ka dëmtuar me mjet prerës shtetasin B. S., vjeç 47, banues në Kamzë, i cili pas mjekimit në spital është larguar në banesë. Në cilësinë e provës materiale u sekuestrua mjeti prerës . Nenet 89 e 279/2 të Kodit Penal.”, thuhet në njoftimin e policisë.
