Më shumë se një duzinë njerëz u vranë dhe rreth 100 u plagosën pasi një vullkan shpërtheu në ishullin indonezian Java. Shpërthimi, i cili ndodhi gjatë një stuhie shiu, pa sasi të mëdha balte që bllokoi rrugët e shkatërroi shtëpitë në zonat pranë.
Emergjencat Civile në Indonezi kanë konfirmuar vdekjen e 13 personave si pasojë e shpërthimit të vullkanit Semeru, i cili filloi të nxjerrë hi të shtunën, duke bllokuar plotësisht diellin për pak kohë.
Shpërthimi përkoi me shirat e dendur dhe pa hirin të shndërrohej në baltë të trashë dhe të shkatërrronte një urë kyçe dhe shtëpitë në rrugën e saj. Ura Gladak Perak, një pikë referimi lokale që lidh dy fshatra, u raportua se ishte shkatërruar plotësisht nga rrjedhat e baltës.
Fshati Sumberëuluh, i vendosur afër vullkanit, u godit më rëndë. Pamjet e postuara në internet tregojnë shtëpi të shkreta të kthyera në grumbuj mbeturinash. Shumica e fshatarëve u evakuuan në një strehë të përkohshme. Deri tani më shumë se 900 njerëz janë zhvendosur nga zona.
Rreth 98 persona, duke përfshirë dy gra shtatzëna, pësuan lëndime nga shpërthimi. Shumica e të shtruarve në spital u trajtuan për djegie.
