Deputeti i LSI-së Petrit Vasili ka reaguar pas fimosjes nga zv.kryeministri Arben Ahmetaj të Projekt-Buxhetit për vitin 2022.
Këtë Vasili e quan një “mjerim qeveritar” pasi sipas tij projekt-buxheti duhet firmosur nga vetë kryeministri pasi është vendimi më i rëndësishëm i një qeverie, ndërsa shton se një gjë e tillë nuk është parë kurrë më parë.
“Çfarë mjerimi qeveritar, Projekt Buxheti i vitit 2022 pa firmën e Edi Ramës!
Për çfarë duhet ky kryeministër?
Ky që bën sallahane lart e poshtë dhe nuk firmos as Vendimin më të rëndësishëm të një qeverie si Buxheti kujt dreqin i duhet??
Kjo përfundimisht nuk është qeveri, por një turp qeveritar që s’është parë kurrë më parë.”- shkruan Vasili.
