Pikat kufitare të Jarinjës e Bërnjakut mes Kosovës e Serbisë mbeten të bllokuara në ditën e tretë radhazi.
Qindra mjete me targa serbe e shtetas serbë kanë bllokuar rrugën në shenjë proteste ndaj vendimit të qeverisë Kurti për reciprocitetin e targave të mjeteve.
Vendimi u mor para dy ditësh e kryeministri Kurti tha se për këtë ishte i detyruar nga pala serbe që zbaton të njëjtën gjë ndaj shtetasve nga Kosova që duan të futen në Serbi.
Nga e hëna të gjitha mjetet serbe që kërkojnë të futen në Kosovë duhet të pajisen me targa të përkohshme që kanë vlefshmëri 60 ditore.
