Teksa ka dekretuar emërimin e Edi Ramës si kryeministër në mandatin e tij të tretë, presidenti Ilir Meta ka kryer një lëvizje të beftë.
Në një shkresë zyrtare, presidenti i republikës, i ka kërkuar Prokurorisë së Përgjithshme ta vërë në dijeni nëse ndonjë anëtar i kabinetit të ri qeveritar është duke u hetuar.
Prokuroria i ka kthyer përgjigje, duke bërë publike kështu këtë lëvizje të beftë të Metës, se asnjë anëtar i kabinetit nuk ka probleme, edhe pas marrjes së informacioneve në rrethe. Meta ka bërë të njëjtën kërkesë edhe te SPAK-u.
Rama dhe ministrat pritet të kryejnë betimin para Metës.
Qeveria Rama 3:
Kryeministër Edi Rama
Zëvendëskryeministër Arben Ahmetaj
Ministre e Financave dhe Ekonomisë Delina Ibrahimi
Ministër i Punëve të Brendshme Bledi Çuçi
Ministër i Mbrojtjes Niko Peleshi
Ministre për Europën dhe Punët e Jashtme Olta Xhaçka
Ministër i Drejtësisë Ulsi Manja
Ministre për Marrëdhëniet me Parlamentin Elisa Spiropali
Ministre Shteti për Standardet e Shërbimeve Milva Ekonomi
Ministre shteti për Mbrojtjen e Sipërmarrjes Edona Bilali
Ministre Shteti për Rininë dhe Fëmijët Bora Muzhaqi
Ministre e Shëndetësisë dhe Mirëqenies Sociale Ogerta Manastirliu
Ministre e Infrastrukturës dhe Energjisë Belinda Balluku
Ministre e Arsimit dhe Sportit Evis Kushi
Ministre e Bujqësisë dhe Zhvillimit Rural Frida Krifca
Ministre e Mjedisit dhe Turizmit Mirela Kumbaro
Ministre e Kulturës Elva Margariti
