Platforma e transmetimit në internet Netflix do të transmetojë një dokumentar mbi pilotin legjendar Michael Schumacher, konfirmoi Formula 1.
“I mbështetur nga familja Schumacher, filmi paraqet ngritjen e gjermanit nga pista e garave Go Cart të babait të tij në Kerpen për t’u bërë shoferi më i suksesshëm i Formula 1, duke marrë 91 fitore dhe duke u shpallur shtatë kampionate botërore me Benetton dhe Ferrari,” thuhet në një deklaratë.
Dokumentari Schumacher, i cili do të publikohet më 15 shtator, përmban intervista me familjen e tij, përfshirë babanë, gruan Corinna dhe dy fëmijët e tij – Gina dhe shoferi i garave në Formula 1, Mick.
Legjenda 52-vjeçare u plagos në një aksident më 29 dhjetor 2013, kur shkoi për ski në një qendër skish në Meribel, Alpet Franceze.
Shtatë herë kampioni botëror i F1 është ende duke luftuar me një dëmtim të rëndë traumatik të trurit.
