Një mace ka arritur të mbijetojë për gati dy muaj e mbyllur në një shtëpi të braktisur në Holandë. Kafsha jashtëzakonisht e kequshqyer, e cila është ushqyer me letra, u zbulua nga pronarët e rinj të pronës.
Historia tronditëse e maces u zbulua këtë javë nga Streha e Kafshëve Vlaardingen, ku kafsha përfundoi. Macja u zbulua në qytetin perëndimor holandez të Schiedam, nga pronarët e rinj të një shtëpie të blerë në një ankand.
Ndërsa pronarët e rinj erdhën për të inspektuar pronën, shtëpia – e liruar nga banori i saj i mëparshëm më 1 korrik – doli se ishte krejt bosh. Ndërsa hapën derën, një mace jashtëzakonisht e dobët doli nga shtëpia, duke nxituar drejt lirisë pas rreth 52 ditësh në izolim.
Macja u kap më pas dhe u soll në një klinikë veterinare. Edhe pse ishte kequshqyer dhe tejet e dobët, doli se kafsha ishte mjaft e shëndetshme dhe u dërgua një ditë më pas në strehën e kafshëve.
