Një grabitje ka ndodhur në orët e natës në një banesë në fshatin Spiten të Lezhës.
Dy persona të paidentifikuar kanë hyrë në banesën e shtetasit me inicialet GJ.D., 61 vjeç, për të vjedhur.
Mirëpo pasi kanë hasur në rezistencë, grabitësit kanë dhunuar kryefamiljarin dhe familjen e tij. Të plagosurit janë dërguar në spital për ndihmë mjekësore.
Ndërkohë policia ka nisur hetimet për të bërë të mundur identifikimin dhe kapjen e autorëve.
Njoftimi i Policisë:
Më datë 24.05.2021, pas mesnatës, në fshatin Spiten, Lezhë, jemi njoftuar nga shtetasi Gj.D., se dy persona të paidentifikuar kanë vjedhur në banesën e tij duke i dhunuar atë dhe bashkëshorten shtetasen V.D.,47 vjeçe, një sasi lekësh dhe 2 aparate celularë.
Në vendngjarje janë fiksuar prova materiale të lëna nga autorët, të cilat do të shërbejnë për zbardhjen e ngjarjes dhe identifikimin e kapjen e autorëve.
Gjithashtu, janë shoqëruar në Komisariat disa persona që dyshohet të kenë dijeni për ngjarjen.
Janë ngritur pika kontrolli në hyrje-dalje të qytetit dhe po vijon krehja e zonës, me qëllim kapjen e autorëve.
