Të paktën gjashtë persona kanë humbur jetën dhe shumë të tjerë janë zhdukur pas përmbytjeve të rënda në Gjermaninë perëndimore.
Më e keqja e përmbytjes ka qenë në shtetin e Rheinland-Pfalz, ku siç shkruan BBC rreth 50 persona kanë pritur nëpër çati për t’u shpëtuar nga ekipër e kërkim-shpëtimit.
Të paktën 30 njerëz janë zhdukur në rajonin kodrinor Eifel pasi disa shtëpi u shembën, si pasojë e përmbytjeve.
Pjesa më e madhe e përmbytjes u shkaktua nga dalja e lumit Ahr nga shtrati si pasojë e shirave të dendur, i cili derdhet në Rhine.
Malu Dreyer, kryetare e shtetit Rhineland-Palatinate, e përshkroi përmbytjen si një “katastrofë“.
“Ka të vdekur, të zhdukur dhe shumë njerëz ende janë në rrezik.”- tha ajo. “Të gjitha shërbimet tona të urgjencës janë në veprim 24 orë dhe rrezikojnë jetën e tyre.”
Helikopterët e policisë dhe ushtria janë vendosur në disa zona për të ndihmuar banorët e bllokuar. Disa shkolla janë mbyllur, ndërsa lidhjet e transportit hekurudhor dhe rrugor janë ndërprerë rëndë në perëndim të vendit.
Rreth 25 shtëpi janë në rrezik të shemben në rrethin e Schuld bei Adenau në rajonin Eifel, ku është shpallur gjendja e jashtëzakonshme.
La crue de la Vesdre atteint une ampleur dramatique à Verviers dans l’est de la Belgique ce matin ! Certaines rues sont noyées sous près de 2 mètres d’eau ! (© Katia Bogaert) pic.twitter.com/yDGNgflP1y
— Météo Express (@MeteoExpress) July 15, 2021
