Një autobus ka shpërthyer në flakë në orët e para të mëngjesit të sotëm në Roskovec. Ngjarja ndodhi rreth orës 02:25, në fshatin Velmish.
Policia bën me dije se autobusi është në pronësi të shtetasit me inicialet B. T. Në momentin kur ndodhi ngjarja, mjeti ishte i parkuar.
Nga hetimet paraprake të policisë dyshohet se zjarri ka rënë si pasojë e një shkëndije elektrike.
“Sot rreth orës 02:25, në fshatin Velmish, Roskovec, ka rënë zjarr në autobuzin tip ‘Man’ në pronësi të shtetasit B. T., i cili ishte i parkuar.
Nga hetimet paraprake dyshohet se zjarri ka rënë si pasojë e një shkëndijë elektrike në automjet.”- thuhet në njoftimin e policisë.
Grupi hetimor po punon për zbardhjen e plotë të ngjarjes.
