Të shtëna me armë kanë goditur sot një helikopter në të cilin po udhëtonte presidenti i Kolumbisë afër kufirit me Venezuelën.
Siç shkruan BBC, presidenti Iván Duque po fluturonte drejt Cúcuta në provincën Norte de Santander, së bashku me ministrin e mbrojtjes, ministrin e brendshëm dhe guvernatorin e krahinës.
Një zëdhënës i Presidencës tha se askush nuk ishte lënduar nga ky incident.
#AHORA | El momento en que disparan contra el helícóptero del presidente de Colombia, Iván Duque, en Santander. pic.twitter.com/THEXcFjvPt
— Mundo en Conflicto (@MundoEConflicto) June 25, 2021
Presidenti Duque tha se ky ishte një “sulm frikacak” dhe se ai nuk ishte i frikësuar “nga dhuna ose aktet e terrorizmit”.
“Shteti ynë është i fortë dhe Kolumbia është e fortë për t’u përballur me këtë lloj kërcënimi.”- tha ai në një postim në Twitter. Ai shtoi se Forcat e sigurisë kanë marrë urdhër për të gjetur se kush fshihet pas këtij atentati.
