Pakistani i ka mbyllur dyert SHBA-së për sa i përket kërkesës së Uashingtonit për të përdorur bazat e këtij vendi për operacionet në Afganistan.
Presidenti i vendit Imran Khan deklaroi për mediat se CIA ‘absolutisht nuk do të lejohet’ të veprojë nga toka pakistaneze pasi SHBA-ja të përfundojë tërheqjen e saj nga Afganistani këtë vit.
Agjensia e Shërbimit të Inteligjencës (ISI) e Pakistanit ishte porta e Uashingtonit për në Afganistan për dekada me radhë para pushtimit të SHBA-së në tetor 2001, duke siguruar një rrugë me të cilën SHBA-ja mund të dhuronte mbështetje financiare dhe materiale për fiset afgane që luftonin qeverinë socialiste afgane dhe aleatët e tyre sovjetikë në vitet 1980.
Duke përfshirë ato që më vonë u bënë Taliban, dhe më pas ndaj grupeve që i rezistonin qeverisë Talibane që erdhi në pushtet pasi qeveria socialiste u shemb në vitin 1996.
Sipas New York Times, SHBA po kërkon përsëri përfaqësues në Afganistan për të mbështetur pasi forcat e fundit amerikane të largohen më 11 shtator, duke pasqyruar me sa duket një besim se Talibanët, tani jashtë pushtetit, nuk do t’i marrin seriozisht bisedimet e paqes dhe se qeveria afgane e mbështetur nga SHBA-ja do të rrëzohet shpejt përballë një ofensive të rinovuar Talibane.
Ndërsa SHBA-ja dhe Talibanët arritën një marrëveshje paqeje në shkurt 2020, që SHBA të përfundonte pushtimin e saj 20-vjeçar të vendit dhe të largonte ushtarët e saj të mbetur, një marrëveshje e ngjashme midis Talibanëve dhe qeverisë afgane nuk po arrihet ende.
